సోలమన్ దర్శకత్వంలో అక్కినేని నాగార్జున హీరోగా ప్రేక్షకుల ముందుకు వచ్చిన ఈ చిత్రం వైల్డ్ డాగ్. భారీ అంచనాల మధ్య ప్రేక్షకుల ముందుకు వచ్చిన ఈ చిత్రం పాజిటివ్ టాక్ తెచ్చుకున్నప్పటికీ కలెక్షన్లు మాత్రం పెద్దగా సాధించలేకపోయింది. ఇదిలా ఉండగా ఈ సినిమాను త్వరలోనే ఓటీటీ లో రిలీజ్ చేయబోతున్నారట. మే 3వ వారంలో నెట్ ఫ్లిక్స్ లో ఈ చిత్రం విడుదల కానుందని తెలుస్తోంది. నిజానికి ఈ సినిమాకు 27 కోట్ల డీల్ తో ఓటీటీ కోసం నిర్మించారని అప్పట్లో ప్రచారం జరిగింది. కానీ జాతి రత్నాలు, ఉప్పెన వంటి చిన్న సినిమాలు బ్లాక్ బాస్టర్ హిట్ ను సాధించాయి. దీంతో ఆ ఒప్పందాన్ని రద్దు చేసుకుని థియేటర్స్ లో రిలీజ్ చేశారు. కానీ అనుకున్న స్థాయిలో ఫలితం రాలేదు.
ఇక మామూలుగా నాగ్ ఎప్పుడూ కొత్త దర్శకులకు అవకాశం ఇస్తూ ఉంటారు. అప్పట్లో రాంగోపాల్ వర్మ కి శివ సినిమాకు అవకాశం ఇచ్చాడు. ఆ సినిమా సంచలనం సృష్టించింది. అప్పటి నుంచి కూడా కొత్త దర్శకులకు అవకాశాలు ఇస్తూనే ఉన్నాడు నాగ్.