అనుదీప్ దర్శకత్వంలో నవీన్ పోలిశెట్టి, రాహుల్ రామకృష్ణ, ప్రియ దర్శి ప్రధాన పాత్రలో ప్రేక్షకుల ముందుకు వచ్చిన చిత్రం జాతిరత్నాలు. ఈ చిత్రం ఎటువంటి అంచనాలు లేకుండా ప్రేక్షకుల ముందుకు వచ్చి ఘన విజయం సాధించింది. అంతేకాకుండా కోట్లలో వసూళ్లను సాధించింది. ముఖ్యంగా ఈ సినిమాలోని హీరోయిన్ ఫరియ అబ్దుల్లా నటన, చిట్టి సాంగ్ ప్రేక్షకులను విశేషంగా ఆకట్టుకున్నాయి. సినిమాలోని పంచ్ డైలాగులు కామెడీ టైమింగ్ థియేటర్స్ లో ప్రేక్షకులను కడుపుబ్బా నవ్వించాయి.
అయితే ఇప్పుడు ఈ సినిమా ప్రైమ్ లో స్ట్రీమింగ్ అవుతుంది. కాగా థియేటర్స్ లో వచ్చిన రెస్పాన్స్ ప్రైమ్ లో కరువైందనే చెప్పాలి. ఓటిటి ప్రేక్షకులను జాతిరత్నాలు నవ్వించడంలో ఫెయిల్ అయ్యారు. ఇక ఈ మూవీ చూసిన సినీ అభిమానులు బోరింగ్ సినిమా అంటూ కామెంట్స్ పెడుతున్నారు. మీమ్స్ లో వచ్చే డైలాగ్ ను తీసుకుని సినిమా లో పెట్టి ఏదో టైం పాస్ చేశారని కామెంట్లు పెడుతున్నారు. ఏదేమైనా థియేటర్స్ లో అదరగొట్టిన జాతిరత్నాలు ఓటీటీ లో మాత్రం బోల్తా కొట్టింది.