దర్శకుడు సిరుత్తై శివతో దర్శకత్వంలో సౌత్ ఇండియన్ స్టార్ హీరో సూర్య చేస్తున్న సినిమా సూర్య42. ఎంతో ఆసక్తిగా ఎదురుచూస్తున్న సినిమా మళ్లీ వార్తల్లోకి వచ్చింది. ఇదివరకే ఈ సినిమా నుంచి చూర్య ప్రీ-లుక్స్, గ్లింప్‌లతో మంచి బజ్ క్రియేట్ చేసింది ఈ సినిమా. ఈ బిగ్గీలో బాలీవుడ్ బ్యూటీ దిశా పటానీ కథానాయికగా నటిస్తోంది, కాగా, ఈ ఎపిక్ పీరియడ్ యాక్షన్ డ్రామాకు ‘కంగువ’ అనే టైటిల్‌ని ఫిక్స్ చేసినట్టు ప్రకటించారు మేకర్స్. ఈ నేపథ్యంలో, అదే విషయాన్ని తెలియజేసేందుకు డేగతో కూడిన క్రియేటివ్ పోస్టర్‌ను రిలీజ్ చేశారు.
అంతేకాకుండా, 1 నిమిషం కంటే ఎక్కువ ప్రత్యేక యానిమేషన్ గ్లింప్స్‌ను కూడా రిలీజ్ చేశారు మేకర్స్. ఈ మూవీ వచ్చే ఏడాది (2024) ప్రారంభంలో ప్రపంచవ్యాప్తంగా థియేటర్లలో విడుదల కానుందని వెల్లడించారు. ఇక ఈ సిినిమా 10 భాషల్లో రిలీజ్ కానుంది. కె.ఇ.యూవీ క్రియేషన్స్‌ పతాకంపై వంశీ, ప్రమోద్‌లతో కలిసి స్టూడియో గ్రీన్‌ పతాకంపై జ్ఞానవేల్ రాజా ఈ సినిమాని భారీ ఎత్తున నిర్మిస్తున్నారు. రాక్ స్టార్ దేవి శ్రీ ప్రసాద్ సంగీతాన్ని అందిస్తుండగా ఈ చిత్రం 3డి ఫార్మాట్‌లో ఉండనుంది.
