పవర్ స్టార్ పవన్ కళ్యాణ్ హీరోగా క్రిష్ దర్శకత్వంలో తెరకెక్కుతున్న చిత్రం హరిహర వీరమల్లు. పీరియాడికల్ డ్రామా గా తెరకెక్కుతున్న ఈ సినిమాలో పవన్ వజ్రాల దొంగ గా కనిపించబోతున్నారని ముందు నుంచి కూడా టాక్ నడుస్తోంది. అలాగే పవన్ కెరీర్ లో భారీ బడ్జెట్ తో ఈ సినిమా తెరకెక్కుతోంది. ఇక ఇప్పటికే ఈ సినిమాకు సంబంధించి విడుదలైన లుక్స్ ప్రేక్షకులను విశేషంగా ఆకట్టుకున్నాయి. అయితే ఈ సినిమా కోసం భారీ సెట్టింగ్స్ ను నిర్మిస్తున్నట్లు ఇప్పటికే యూనిట్ చాలాసార్లు తెలిసింది.
మొత్తం సుమారు 180 కోట్ల బడ్జెట్ తో ఈ సినిమాను తెరకెక్కిస్తున్నట్లు కూడా టాక్ నడిచింది. అయితే తాజా సమాచారం ప్రకారం ఈ సినిమా కోసం ప్రముఖ స్టూడియోలో ఆగ్రా కోట సెట్ ను నిర్మిస్తున్నారట. అందుకు గాను మొత్తం పది కోట్లు ఖర్చు చేస్తున్నట్లు కూడా సమాచారం. ఇక ఈ సినిమాలో పవన్ సరసన నిధి అగర్వాల్, జాక్వెలిన్ ఫెర్నాండేజ్ హీరోయిన్స్ గా నటిస్తున్నారు. అలాగే కీరవాణి ఈ సినిమాకు సంగీతం అందిస్తున్నారు.