గంధపు చెక్కల స్మగ్లింగ్ నేపథ్యంలో స్టైలిష్ స్టార్ అల్లు అర్జున్ హీరోగా క్రేజీ డైరెక్టర్ సుకుమార్ దర్శకత్వంలో తెరకెక్కుతున్న చిత్రం పుష్ప. భారీ అంచనాల మధ్య తెరకెక్కుతున్న ఈ చిత్రంలో అల్లు అర్జున్ సరసన రష్మీక మందన్న నటిస్తోంది. కాగా ఇప్పటికే ఈ సినిమాకు సంబంధించి విడుదలైన లుక్స్ కు విశేష స్పందన రాగా… బన్నీ పుట్టినరోజు సందర్భంగా టీజర్ ని విడుదల చేసేందుకు చిత్ర యూనిట్ ప్లాన్ చేస్తున్నట్లు తెలుస్తోంది.
ఇదిలా ఉండగా మరోవైపు డబ్బింగ్ కార్యక్రమాలను కూడా చిత్రయూనిట్ మొదలుపెట్టారు. ఇదే విషయాన్ని చెబుతూ మేకర్ ట్విట్టర్ వేదికగా పోస్ట్ పెట్టారు. ఇక ఈ చిత్రాన్ని తెలుగు, తమిళ, మలయాళ ,కన్నడ ,హిందీ భాషల్లో ఆగస్టు 13న విడుదల అవుతున్న సంగతి తెలిసిందే. కాగా ఎప్పటిలానే ఈ సినిమాకు కూడా దేవిశ్రీ ప్రసాద్ ఈ సినిమాకు సంగీతం అందిస్తున్నారు.
గతంలో సుకుమార్ బన్నీ కాంబినేషన్ లో వచ్చిన ఆర్య, ఆర్య-2 చిత్రాలకు కూడా దేవిశ్రీ మ్యూజిక్ అందించారు. ఆ రెండు ఆల్బమ్స్ కూడా సూపర్ డూపర్ హిట్ సాధించాయి.