పరశురామ్ దర్శకత్వంలో సూపర్ స్టార్ మహేష్ బాబు హీరోగా సర్కార్ వారి పాట సినిమా తెరకెక్కిస్తున్న సంగతి తెలిసిందే. బ్యాంకింగ్ కుంభకోణం నేపథ్యంలో తెరకెక్కుతున్న ఈ సినిమాలో మహేష్ బాబు సరసన కీర్తి సురేష్ నటిస్తోంది. అయితే ఆ మధ్య దుబాయ్ లో ప్లాన్ చేసిన యాక్షన్ సీక్వెన్స్ మహేష్ కెరీర్లోనే సాలిడ్ యాక్షన్ సీక్వెన్స్ గా నిలుస్తుందని గతంలో సోషల్ మీడియా లో వార్తలు వచ్చాయి.
ఇదిలా ఉండగా ఈ సీన్స్ కు సంబంధించిన మరికొన్ని ఇంట్రెస్టింగ్ ఫోటోలు ఇప్పుడు బయటకు వచ్చాయి. అందులో మహేష్ కారు తోనే కాకుండా బైక్ తో కూడా సీక్వెన్స్ లు చేస్తున్నట్లు కనిపిస్తున్నాయి. అలాగే ఎడారి ప్రాంతంలో మరికొన్ని స్పోర్ట్స్ కార్స్ తో కూడా విజువల్స్ బయటకు వచ్చాయి.ఇవన్నీ చూసిన మహేష్ అభిమానులు ఖచ్చితంగా ఈ సినిమా సూపర్ డూపర్ హిట్ ని అందుకుంటుందని ధీమాను వ్యక్తం చేస్తున్నారు. ఇక ఈ సినిమాకు తమన్ సంగీతం అందిస్తుండగా… మైత్రి మూవీ మేకర్స్ 14 రీల్ ఎంటర్టైన్మెంట్ వారు నిర్మిస్తున్నారు.