పవర్ స్టార్ పవన్ కళ్యాణ్ క్రిష్ దర్శకత్వంలో హరిహర వీరమల్లు సినిమా చేస్తున్న సంగతి తెలిసిందే. దీంతో పాటు అయ్యప్పనుమ్ కొషియమ్ రీమేక్ చిత్రాలలో కూడా నటిస్తున్నాడు. అలాగే గబ్బర్ సింగ్ డైరెక్టర్ హరీష్ శంకర్ దర్శకత్వంలో కూడా ఓ సినిమా చేయబోతున్నాడు పవన్ కళ్యాణ్.
ఇక ఇప్పటికే ఈ సినిమాకు సంబంధించి ఫస్ట్ లుక్ , టైటిల్ ను కూడా త్వరలోనే రిలీజ్ చేయబోతున్నట్లు చిత్ర యూనిట్ ప్రకటించింది. దీంతో ఫస్ట్ లుక్ డిజైన్ అలాగే టైటిల్ ఆల్రెడీ లాక్ అయినట్లు తెలుస్తోంది. నిజానికి వచ్చే ఉగాదికి ఈ లుక్ ను విడుదల చేయాలని అనుకున్నారు. కానీ ఇప్పుడు ఉన్న క్రేజ్ నేపథ్యంలో పవన్ బర్త్ డే కానుకగా రిలీజ్ చేయడానికి ప్లాన్ చేస్తున్నట్లు తెలుస్తోంది. ఇక ఇప్పటికే కాన్సెప్ట్ పోస్టర్ తోనే పవన్ ఫ్యాన్స్ ని ఆకట్టుకున్నాడు డైరెక్టర్ హరీష్ శంకర్.