తమిళ్ స్టార్ హీరో చియాన్ విక్రమ్ నటిస్తున్న పీరియాడిక్ యాక్షన్ మూవీ “తంగలాన్”ను ప్రముఖ దర్శకుడు పా రంజిత్ రూపొందిస్తున్నారు. స్వాతంత్ర్యానికి పూర్వం నేపథ్యానికి వ్యతిరేకంగా, తంగలన్ కర్ణాటకలోని కోలార్ గోల్డ్ ఫీల్డ్స్ నివాసుల కథగా ఈ సినిమాను తెరెక్కిస్తున్నారు. ఈ చిత్రంలో మాళవిక మోహనన్, పశుపతి, పార్వతి, డేనియల్ కాల్టిగరోన్ మరియు హరికృష్ణన్ కీలక పాత్రలు పోషిస్తున్నారు.
అయితే గత ఏడాది చిత్రీకరణ పూర్తయినప్పటికీ, తంగలన్ విడుదల తేదీని ఇంకా అనౌన్స్ చేయలేదు. మొదట ఈ సినిమాను జనవరి 26న విడుదల చేస్తున్నట్లు మేకర్స్ ప్రకటించారు. ఇక దీంతో ఈ సినిమా మరి కొన్నిరోజుల్లో రిలీజ్ అవుతుంది అనుకొనేలోపు.. ఈ సినిమా వాయిదా పడినట్లు మేకర్స్ అధికారికంగా తెలిపారు. తరువాత సంక్రాంతి పండగ శుభాకాంక్షలు తెలుపుతూ కొత్త పోస్టర్ ను రిలీజ్ చేసింది.
ఇక ఈ సినిమా ఏప్రిల్ లో రిలీజ్ కానున్నట్లు మేకర్స్ తెలిపారు. అదికూడా పోస్టుపోన్ అయ్యింది. ఇప్పుడు మల్లి మేకర్స్ కొత్త రిలీజ్ డేట్ అనౌన్స్ చేసారు.అల్లు అర్జున్ పుష్ప 2: ది రూల్ సినిమా పోస్టుపోన్ కావడంతో చాలా చిన్న సినిమాలు ఆగస్ట్ 15న రిలీజ్ అయ్యేందు రెడీ అయ్యాయి.
ఇప్పుడు విక్రమ్ సినిమా కూడా ఆగష్టు లో రిలీజ్ కానున్నట్లు మేకర్స్ తెలిపారు. ఎడారిలో విక్రమ్.. మోకాలు వంచి కూర్చొని యుద్దానికి సిద్ధం అన్నట్లు సీరియస్ లుక్ లో కనిపించాడు. ఇప్పటికే విడుదలైన పోస్టర్లు, ప్రచార చిత్రాలు ప్రేక్షకుల్లో సినిమాపై ఆసక్తి పెంచాయి. ఈ సినిమాను తమిళంతో పాటు తెలుగు, హిందీ, మలయాళం, కన్నడ భాషల్లో రిలీజ్ కాబోతుంది.