‘జాంబీరెడ్డి’ సినిమాతో హీరోగా ఎంట్రీ ఇచ్చిన తేజ సజ్జ తాజాగా మ‌రో సినిమాతో ప్రేక్షకుల ముందుకు రాబోతున్నాడు. అతడు నటించిన లేటెస్ట్ మూవీ ‘ఇష్క్’ ట్రైలర్ను చిత్ర బృందం విడుదల చేసింది. ‘నాట్ ఏ లవ్ స్టోరీ’ అనే ట్యాగ్ లైన్‌తో రూపొందుతున్న ఈ మూవీ ట్రైలర్ను గురువారం ఉద‌యం 10:36 గంట‌ల‌కు హీరో సాయిధరమ్ తేజ్ విడుదల చేశాడు. ప్రియా ప్రకాశ్ వారియర్ ఈ సినిమాలో హీరోయిన్‌గా నటించింది. మహతి స్వర సాగర్ సంగీతాన్ని అందించాడు. ఈ థ్రిల్లర్ మూవీకి ఎస్.ఎస్.రాజు దర్శకత్వం వహించాడు. ఈ సినిమా ఈనెల 23న ప్రేక్షకుల ముందుకు రానుంది. చాలా రోజుల త‌రువాత మెగా సూప‌ర్ గుడ్ ఫిలింస్ నుంచి వ‌స్తున్న సినిమా కావ‌డంతో ఈ చిత్రంపై అంచ‌నాలు ఏర్ప‌డ్డాయి.
