పా.రంజిత్ దర్శకత్వంలో కోలీవుడ్ స్టార్ హీరో చియాన్ విక్రమ్ నటించిన హిస్టారికల్ ఫాంటసీ యాక్షన్ మూవీ ‘తంగళన్’. కోలార్ గోల్డ్ ఫీల్డ్స్‌లో గని కార్మికుల జీవితాల చుట్టూ తిరిగే వాస్తవ సంఘటనల ఆధారంగా ఈ సినిమా తెరకెక్కనుంది. కాగా, ఇప్పటికే ఈ సినిమా నుంచి విడుదలైన టీజర్‌, ట్రైలర్‌కు ప్రేక్షకుల నుంచి విశేష స్పందన లభించింది. ఇక, తాజాగా మూవీ రిలీజ్ డేట్‌ను ప్రకటించారు మేకర్స్. ఈ సినిమాని ఆగస్ట్ 15న ప్రపంచ వ్యాప్తంగా విడుదల చేయనున్నట్టు ప్రకటించారు.
ఈ సినిమాలో పార్వతి తిరువోతు, మాళవిక మోహనన్ హీరోయిన్లుగా నటిస్తున్నారు. స్టూడియో గ్రీన్ ఫిల్మ్స్ బ్యానర్‌పై ప్రముఖ నిర్మాత కే జ్ఞానవేల్ ఈ చిత్రాన్ని నిర్మిస్తుండగా… ఐదు భాషల్లో ఈ సినిమా విడుదల కానుంది. మరోవైపు ఆగస్ట్ 15న టాలీవుడ్‌లో డబుల్ స్మార్ట్, బాలీవుడ్‌లో స్త్రీ 2 విడుదల కానున్నాయి.