నాగ చైతన్య, చందూ మొండేటి కాంబినేషన్‌లో వస్తున్న మూవీ ‘తండేల్’. అల్లు అరవింద్ సమర్పణలో బన్నీ వాసు నిర్మిస్తున్న ఈ సినిమా ప్రస్తుతం షూటింగ్ దశలో ఉంది. కాగా, ఎట్టకేలకు ఈ సినిమాకి సంబంధించిన మొదటి షెడ్యూల్ షూటింగ్ పూర్తయినట్టు సినిమా యూనిట్ వెల్లడించింది. ప్రధాన తారాగణం ఈ షెడ్యూల్‌లో పాల్గొన్నట్టు.. ఓడరేవు, గ్రామాలలో కీలక సన్నివేశాలను చిత్రీకరించినట్టు ప్రకటించింది.
దానికి సంబందించి సోషల్ మీడియాలో కొన్ని ఫోటోలు కూడా షేర్ చేసింది మూవ టీమ్. ఈ సినిమాలో రాజు అనే జాలరి పాత్రలో నాగ చైతన్య నటిస్తుండగా, హీరోయిన్‌గా సాయి పల్లవి కనిపించనుంది. ఈ సినిమాకి జాతీయ అవార్డ్ విన్నింగ్ కంపోజర్ రాక్‌స్టార్ దేవి శ్రీ ప్రసాద్ మ్యూజిక్ అందిస్తున్నారు.