చిరుత్తై శివ దర్శకత్వంలో స్టార్ హీరో సూర్య నటించిన ప్రెస్టీజియస్ మూవీ ‘కంగువ’. ఈ సినిమా నుంచి ఇప్పటికే విడుదలైన విజువల్స్, సినిమా గ్లింప్స్, టీజర్‌లకు ప్రేక్షకుల నుంచి అనూహ్య స్పందన వచ్చింది. ఈ నేపథ్యంలో సోమవారం తమిళ ట్రైలర్‌ను విడుదల చేయగా అదిరిపోయే రెస్పాన్స్ వచ్చింది. ఈ క్రమంలో తాజాగా నేడు (మంగళవారం) తెలుగు ట్రైలర్‌ను విడుదల చేశారు మేక‌ర్స్.
యూవీ క్రియేషన్స్‌తో కలిసి కేఈ జ్ఞానవేల్ రాజా స్టూడియో గ్రీన్ భారీ బడ్జెట్‌తో నిర్మిస్తున్నారు. తమిళం, తెలుగు, కన్నడ, మలయాళం, ఇంగ్లీష్‌తో సహా పదికి పైగా భాషల్లో రూపొందుతున్న ఈ సినిమా దసరా కానుకగా అక్టోబర్ 10న విడుదల కానుంది. ఈ సినిమా రెండు భాగాలుగా రానుంది.
