సూప‌ర్ హీరో కాన్సెప్ట్ తో…

తెలుగులో సూపర్‌ హీరో తరహా చిత్రాల నిర్మాణం తక్కువే. ఆ లోటును తీరుస్తు తెలుగులో సూపర్‌ హీరో సినిమా రాబోతోంది. సినిమా పేరు ‘ఏ మాస్టర్‌ పీస్‌’. ‘శుక్ర, మాటరాని మౌనమిది’ చిత్రాల ఫేమ్‌ సుకు పూర్వాజ్‌ దర్శకత్వం వహిస్తున్నారు. శ్రీకాంత్‌ కండ్రాగుల నిర్మిస్తున్నారు. ‘ఏ మాస్టర్‌ పీస్‌’ ఫస్ట్‌లుక్‌ విడుదల చేశారు. సూపర్‌ హీరోగా రాబోతోందని పోస్టర్‌ ద్వారా వెల్లడించారు. సూపర్‌ హీరోగా అరవింద్‌ కృష్ణ నటిస్తున్నారు. పెద్దలతో పాటు పిల్లలు కూడా మెచ్చేలా ఈ సూపర్‌ హీరో పాత్రని రూపకల్పన చేశారు. ఈ చిత్రంలో అరవింద్‌ కృష్ణతో పాటు అషురెడ్డి, స్నేహ గుప్తా, జ్యోతిరాయ్‌, అర్జనా అనంత్‌ నటిస్తున్నారు. ఛాయాగ్రహణం శివరామ్‌ చరణ్‌.