సింహాద్రి క‌లెక్ష‌న్స్.. మామూలుగా లేవుగా

రీ రిలీజ్ అయినా క‌లెక్ష‌న్స్ తో దూసుకుపోతోంది హీరో ఎన్టీఆర్ న‌టించిన సింహాద్రి బాక్సాఫీస వ‌ద్ద సంచ‌నాలు సృష్టిస్తోంది సింహాద్రి. ఎన్టీఆర్ బ‌ర్త్ డే సంద‌ర్భంగా రీ రిలీజ్ అయిన ఈ చిత్రం వ‌సూళ్ల‌తో దూసుకుపోతుంది. రిలీజైన ప్రతీ చోట హౌజ్‌ ఫుల్‌ బోర్డులే కనిపిస్తుంది. కొత్త సినిమా రిలీజైతే ఏ రేంజ్‌లో హంగామా ఉంటుందో.. సింహాద్రి రీ-రిలీజ్‌కు కూడా అదే స్థాయిలో సందడి నెలకొంది. థియేటర్‌ల దగ్గర నందమూరి ఫ్యాన్స్‌ చేస్తున్న రచ్చ అంతా ఇంతా కాదు. జై ఎన్టీఆర్, సింగమలై అంటూ నినాదాలు చేస్తున్నారు. రీ-రిలీజ్‌ దెబ్బకి కొత్తగా విడుదలైన సినిమాలన్నీ సైలెంట్ అయిపోయాయి. ఇక ఇదిలా ఉంటే ఈ సినిమా తొలిరోజు బాక్సాఫీస్‌ దగ్గర కోట్లు కొల్లగొట్టింది. సింహాద్రి సినిమా మొదటి రోజు దాదాపు రూ.5.2 కోట్ల గ్రాస్‌ను కలెక్ట్‌ చేసింది. కొత్త సినిమాలకు కూడా ఈ మధ్య ఈ రేంజ్‌లో కలెక్షన్‌లు రావడం లేదు. అలాంటిది రీ-రిలీజ్‌ సినిమాకు ఈ రేంజ్‌లో కలెక్షన్‌లు వచ్చాయంటే మాములు విషయం కాదు. దీన్ని బట్టి చూస్తే తారక్‌కు ఎంతటి ఫ్యాన్‌ ఫాలోయింగ్‌ ఉందో ఏర్పడుతుంది. ఇక సీడెడ్‌లో ఏకంగా రూ.76 లక్షలు సాధించి అక్కడ తన బ్రాండ్‌ ఏంటో మరోసారి రుజువు చేశారు.