గౌతమ్ మీనన్, శింబు కాంబినేష‌న్ లో రీసెంట్ గా వ‌చ్చిన మూవీ ‘వెందు తానింధతు కాదు’ తెలుగు వ‌ర్షెన్ లో ‘లైఫ్ ఆఫ్ ముత్తు’గా ఈ సినిమా వచ్చింది. ఈ సినిమా సెప్టెంబర్ 15న థియేట‌ర్ల‌లో విడుదలై ప్రేక్షకుల నుండి మంచి ఆదరణ పొందింది. ఈ చిత్రంలో సిలంబరసన్ టి.ఆర్. (STR), సిద్ధి ఇద్నాని ప్రధాన పాత్రలు పోషించారు.
కాగా, ఈ సినిమా శాటిలైట్ హక్కులను కలైంజర్ టీవీ, డిజిటల్ హక్కులను అమెజాన్ ప్రైమ్ వీడియో దక్కించుకున్నాయి. తాజా సమాచారం ఏమిటంటే ఈ మూవీ అక్టోబర్ 13వ తేదీ నుండి ఆన్‌లైన్‌లో స్ట్రీమింగ్ కానుంది. దీపావళి పండుగ సందర్భంగా అక్టోబర్ 21న OTTలో రిలీజ్ చేయాల‌ని మేకర్స్ అనుకున్నారు.. కానీ, మూవీ ఓటీటీని రిలీజ్ ని ప్రీపోన్ చేసి 13వ తేదీన రిలీజ్ చేస్తున్నారు. మూవీలో ఏఆర్ రెహమాన్ స్వరపరిచిన పాటలు కూడా ఆదరణ పొందాయి. ఇప్పుడు ఈ మూవీ డిజిటల్ డెబ్యూ కోసం అందరూ ఆసక్తిగా ఎదురుచూస్తున్నారు. త్వరలో సీక్వెల్‌ని ప్రారంభించాలని మేకర్స్ ప్లాన్ చేస్తున్నారు.