దేశంలో కరోనా సెకండ్ వేవ్ నేపథ్యంలో ఎంతో మంది ప్రజలు తీవ్రమైన ఇబ్బందులను ఎదుర్కొంటున్నారు. అలా ఇబ్బంది పడుతున్న వారికి సహాయ సహకారాలు చేసేందుకు ఎంతో మంది స్టార్స్ ముందుకు వస్తున్నారు. ఇప్పటికే టాలీవుడ్ యంగ్ హీరో అడవి శేషు హైదరాబాదులోని కింగ్ కోఠి ఆసుపత్రిలో తాగునీటి సమస్యకు పరిష్కారం చూపిస్తూ బుధవారం ఎనిమిది వందల అరవై ఐదు లీటర్ల నీటిని 300 మందికి పంపిణీ చేసి తన మంచి మనసు చాటుకున్నారు.
ఇక ఇవాళ ఆస్పత్రిలో నీటి శుద్ధీకరణ యంత్రాన్ని ఏర్పాటు చేయించారు. ఇది గంటకు వెయ్యి లీటర్ల నీటిని అందించనుంది. ఇక ఎప్పటి నుంచో ఉన్న ఈ సమస్యను అడవిశేషు పరిష్కరించడం పై అటు డాక్టర్లు-రోగులు ఆసుపత్రి సిబ్బంది ఆయనకు ధన్యవాదాలు తెలిపారు.