శర్వానంద్ కెరీర్‌లో డిజాస్టర్‌గా ‘శ్రీకారం’

హీరో శర్వానంద్‌ ఖాతాలో మరో డిజాస్టర్ చేరింది. అతడు హీరోగా నటించి ఇటీవల విడుదలైన ‘శ్రీకారం’ మూవీ బయ్యర్లకు నష్టాలను మిగిల్చింది. ఈ చిత్రానికి రూ.17.1 కోట్ల థియేట్రికల్ బిజినెస్ జరిగింది. తొలిరోజు వచ్చిన టాక్‌తో బ్రేక్ ఈవెన్ అవుతుందని అందరూ భావించారు. కానీ రూ.17. 5 కోట్ల బిజినెస్ చేసిన ఈ చిత్రం కేవలం 9.64 కోట్ల షేర్ మాత్రమే వసూలు చేసింది. దాంతో డిస్ట్రిబ్యూటర్లకు ఏకంగా రూ,7.86 కోట్ల భారీ నష్టాలను మిగిల్చింది. దాదాపు అన్ని చోట్ల ఈ మూవీకి బిజినెస్ ముగిసింది. ఏరియాల వారీగా ‘శ్రీకారం’ కలెక్షన్‌ల వివరాలు… నైజాం: రూ.2.86 కోట్లు, సీడెడ్: రూ.1.66 కోట్లు, ఉత్తరాంధ్ర: రూ.1.21 కోట్లు, తూ.గో.: రూ.74 లక్షలు, ప.గో.: రూ.50 లక్షలు, గుంటూరు: రూ.99 లక్షలు, కృష్ణా: రూ.53 లక్షలు, నెల్లూరు: రూ.32 లక్షలు, రెస్టాఫ్ ఇండియా: రూ.30 లక్షలు, ఓవర్సీస్: రూ.52 లక్షలు. కాగా శర్వానంద్‌కు ఇది వరుసగా 4వ డిజాస్టర్. గత సినిమాలు జాను, రణరంగం, పడిపడి లేచే మనసు కూడా డిజాస్టర్‌గా మిగిలిన సంగతి తెలిసిందే.