రోహిత్ దర్శకత్వంలో సుప్రీం హీరో సాయి దుర్గ తేజ్ నటిస్తున్న #SDT18 పాన్ ఇండియా సినిమాకు సంబంధించి అప్డేట్ ను ఇచ్చారు మేకర్స్. ఈ సినిమా మ్యూజిక్ డైరెక్టర్ ఎవరో వెల్లడిస్తూ ఒక కొత్త వీడియోని రిలీజ్ చేశారు. యంగ్ మ్యూజిక్ సెన్సేషన్ అజనీష్ లోక్నాథ్ ఈ సినిమాకు సంగీతం అందించబోతున్నట్టు అఫీషియల్ గా వెల్లడించారు. ఈ మేరకు ఓ వీడియోను రిలీజ్ చేశారు. ఆయన విరూపాక్ష, మంగళవారం, మహారాజా లాంటి బ్లాక్ బస్టర్ సినిమాలకు మ్యూజిక్ అందించారు.
‘హనుమాన్’ లాంటి సూపర్ హిట్ సినిమాను అందించిన నిర్మాణ సంస్థ ప్రైమ్ షో ఎంటర్టైన్మెంట్స్ బ్యానర్ పై నిరంజన్ రెడ్డి, చైతన్య రెడ్డి ఈ సినిమాను 150 కోట్ల భారీ బడ్జెట్ తో అత్యంత ప్రతిష్టత్మకంగా నిర్మిస్తున్నట్టుగా తెలుస్తోంది. ఈ సినిమాలో ఐశ్వర్య లక్ష్మి హీరోయిన్ గా నటిస్తుండగా, మూవీ పీరియడ్ యాక్షన్ డ్రామాగా రూపొందుతోంది. పాన్ ఇండియా వైడ్ గా తెలుగుతో పాటు హిందీ, తమిళ, కన్నడ, మలయాళ భాషల్లో రిలీజ్ చేయబోతున్నారు. కాగా ప్రస్తుతం షూటింగ్ దశలో ఉన్న ఈ సినిమా టైటిల్ ను మేకర్స్ ఇంకా అనౌన్స్ చేయలేదు.