డార్లింగ్ ప్రభాస్ ప్రస్తుతం వరుస ప్రాజెక్టులతో బిజీగా ఉన్నాడు. రాజా సాబ్, హను రాఘవపూడి సినిమాలతో పాటు.. సందీప్ రెడ్డి వంగాతో స్పిరిట్ అనే మరో ప్రాజెక్ట్ మెద‌లు పెట్ట‌నున్నాడు. దాంతో పాటు సాలార్ 2, కల్కి 2 సినిమాలు కూడా లైన్లో ఉన్నాయి. ఇలా వరుస ప్రాజెక్టులతో బిజీగా ఉన్న డార్లింగ్… ఏడాదికి రెండు సినిమాలు చేస్తానని అభిమానులకు ఇచ్చిన మాట నిలబెట్టుకుంటున్నాడు.
ఇదిలా ఉంటే ప్రభాస్ అభిమానులు ఎంతగానో ఎదురుచూస్తున్న క్రేజీ సీక్వెల్ మొదలైంది. ప్రశాంత్ నీల్ దర్శకత్వం వహించిన ‘సాలార్’ చిత్రం బాక్సాఫీస్ వద్ద సంచలనం సృష్టించింది. ఇప్పుడు ఈ చిత్రానికి సీక్వెల్‌ను ప్రారంభించినట్లు చిత్ర నిర్మాతలు ఇటీవల ప్రకటించారు. ఈ సినిమా నిర్మాణ సంస్థ హోంబాలే…. ప్రభాస్ తో ఏకంగా మూడు సినిమాలను లైన్లో పెట్టింది. సాలార్ 2తో పాటు మరో రెండు సినిమాలను నిర్మిస్తున్నట్లు హోంబాలే ప్రకటించారు.