హిట్ సిరీస్ తో త‌న‌కంటూ ఓ బేస్ క్రియూట్ చేసుకున్న టాలీవుడ్ యంగ్ డైరెక్ట‌ర్ శైలేష్ కొలను దర్శకత్వంలో విక్టరీ వెంకటేష్ హీరోగా నటిస్తున్న మూవీ ‘సైంధవ్’. పాన్ ఇండియా సినిమాగా రూపొందుతొన్న ఈ మూవీని వెంకట్ బోయనపల్లి నిర్మిస్తున్నారు. కాగా, ఈ సినిమా క్లైమాక్స్ షూటింగ్ పార్ట్ పూర్తయిందని మేకర్స్ ప్రకటించారు. షూటింగ్ విజయవంతంగా పూర్తయిందని వీడియో విడుదల చేశారు. ఈ షూటింగ్‌లో 8 మంది నటీనటులు, రామ్ లక్ష్మణ్ ఫైట్ మాస్టర్స్ పాల్గొన్నారని పేర్కొన్నారు.
సైంధవ్ మూవీలోని కీలకమైన క్లైమాక్స్ షెడ్యూల్‌ను పూర్తి చేసినట్లు దర్శకుడు వెల్లడించారు. హై వోల్టేజ్ యాక్షన్, ఎమోషన్స్ ప్యాక్డ్ క్లైమాక్స్ ఎపిసోడ్ ఈ సినిమాలో ఉంటుందని సమాచారం. ఈ అప్‌డేట్‌తో వెంకటేష్ అభిమానులు హైప్ పెరిగింద‌నే చెప్పాలి.
బాలీవుడ్ నటుడు నవాజుద్దీన్ సిద్ధిఖీ ఈ హై-ఆక్టేన్ యాక్షన్ మూవీతో టాలీవుడ్ ఎంట్రీ ఇస్తున్నాడు. శ్రద్ధా శ్రీనాథ్, రుహాని శర్మ, ఆండ్రియా జెర్మియా కథానాయికలు. సంతోష్ నారాయణన్ సంగీతం సమకూరుస్తున్నారు. డిసెంబర్ 22న తెలుగు, తమిళం, కన్నడ, మలయాళం, హిందీ భాషల్లో సినిమా విడుదల కానుంది.