విక్టరీ వెంకటేష్ 75వ మూవీని శైలేష్ కొలను తెర‌కెక్కించిన మూవీ సైంధవ్. యాక్షన్ థ్రిల్లర్‌‌గా వచ్చిన ఈ మూవీ.. సంక్రాంతి కానుకగా ఆడియన్స్ ముందుకు వచ్చింది. కాగా, ఇప్పుడు ఓటీటీలో రిలీజ్ అయ్యేందుకు రెడీ అయిపోయింది సైంధవ్. ఈ మూవ ఫిబ్రవరి 3 నుంచి ప్రముఖ ఓటీటీ ప్లాట్‌ఫామ్ ప్రైమ్ వీడియోలో స్ట్రీమ్ కాబోతుంది.
ట్రైలర్ అండ్ టీజర్ తో మంచి అంచనాలు క్రియేట్ చేసుకున్న ఈ మూవీ.. థియేటర్లోనూ హిట్ టాక్‌ను సంపాధించుకుంది. అయితే థియేటర్లలో మరో మూడు సినిమాలు రిలీజ్ అవ్వడంతో.. బాక్స్ ఆఫీస్ వద్ద కమర్షియల్‌గా సక్సెస్ కాలేకపోయింది. ఈ సినిమాలో బాలీవుడ్‌ నటుడు నవాజుద్దీన్ సిద్దిఖీ, తమిళ్ నటుడు ఆర్య, శ్రద్ధా శ్రీనాథ్, రుహానీ శర్మ, ఆండ్రియా జెర్మియా, బేబీ సారా.. తదితరులు నటించారు.