ప్రతిష్ఠాత్మక ‘సైమా’ (సైమా-సౌత్‌ ఇండియన్‌ ఇంటర్నేషనల్‌ మూవీ అవార్డ్స్‌) 2023 అవార్డ్స్‌ వేడుక సెప్టెంబరు 15, 16 తేదీల్లో దుబాయ్‌లో జరగనుంది. ఈ వేడుకలకు సంబంధించిన ప్రెస్‌మీట్ హదరాబాద్‌లో జరిగింది. హీరో రానా దగ్గుబాటి, హీరోయిన్స్‌ నిధి అగర్వాల్‌, మీనాక్షి చౌదరి, సైమా చైర్‌పర్సన్‌ బృందా ప్రసాద్‌, శశాంక్‌ శ్రీవాస్తవ్‌ పాల్గొన్నారు.
హీరో రానా దగ్గుబాటి మాట్లాడుతూ.. ”దక్షిణాది చిత్ర పరిశ్రమలన్నీ కలసి జరుపుకునే వేడుక సైమా. గ్లోబల్‌ ప్లాట్‌ ఫామ్‌కి చేరుకోవడానికి సైమా గొప్ప వేదిక. ఈ వేడుకల్లో భాగం కావడం చాలా ఆనందంగా వుంది” అన్నారు. నిధి అగర్వాల్‌ మాట్లాడుతూ.. ”వేడుకల్లో లెజండరీ నటీనటులతో కలసి వేదిక పంచుకోవడం గొప్ప ఆనందాన్ని ఇస్తుంది” అన్నారు.
మీనాక్షి చౌదరి మాట్లాడుతూ.. ”సైమా అవార్డుల వేడుకే కాదు సినిమాని ఒక పండుగలా జరుపుకునే వేడుక” అన్నారు. సైమా చైర్‌పర్సన్‌ బృందా ప్రసాద్‌ మాట్లాడుతూ.. ”సైమా వేడుక అన్ని చిత్ర పరిశ్రమలకు ఒక రీయూనియన్‌, హోమ్‌కమింగ్‌ లాంటిది. సైమా వేడుకలకు కౌంట్‌డౌన్‌ మొదలైయింది. ఈ నెల 15, 16న దుబాయ్‌లో కలుద్దాం” అన్నారు.