సినిమా ప్రపంచంలోకి కొత్త హీరోయిన్‌లు వస్తూనే ఉంటారు… భాష ఏదైనా కానివ్వండి తమ వద్ద టాలెంట్‌ ఉంటే చాలు ఒక్క సినిమాతోనే పాన్‌ ఇండియా రేంజ్‌ఉ చేరుకుంటారు. ఆపై ప్రేక్షకుల అభిమానాన్ని పొందుతారు. అలాంటి స్టార్ల జాబితాలోకి తాజాగా ఓ కన్నడ ముద్దుగుమ్మ చేరింది. ఆమె పేరు రుక్మిణి వసంత్.
రక్షిత్ శెట్టి నటించిన ‘సప్త సాగరాలు దాటి’ సినిమాలో నటించింది. ఆపై తెలుగు వారికి కూడా తెగ నచ్చేసింది ఈ బ్యూటీ. లండన్‌ వెళ్లి యాక్టింగ్ కోర్సు పూర్తి చేసి ఇక్కడికి వచ్చింది.కన్నడ నుంచి రెండు సినిమాల్లో నటించినా ‘సప్త సాగరాలు దాటి’ చిత్రం ద్వారా పాపులర్‌ అయిపోయింది. ఈ సినిమాకు సీక్వెల్‌ కూడా రిలీజ్‌ అయింది. ఈ చిత్రాల ద్వారా అందరినీ ఫిదా చేసింది. నటనతో పాటు తన అందంతోనూ ఈ అమ్మడు అందరినీ కట్టిపడేస్తుంది చాలామంది ఆమెను ప్రశంసించడమే కాకుండా సాయి పల్లవితో పోల్చారు. తాజాగా రుక్మిణి వసంత్ తన మొదటి తెలుగు చిత్రానికి సంతకం చేసింది. మాస్ మహారాజా రవితేజ తదుపరి చిత్రంలో ఈ బ్యూటీకి ఛాన్స్‌ దక‍్కింది. ‘జాతి రత్నాలు’ ఫేమ్ దర్శకుడు అనుదీప్ డైరెక్షన్‌లో రవితేజ ఒక సినిమా తీస్తున్నట్లు వార్తలు వచ్చాయి..అందులో ఆమెను హీరోయిన్ గా తీసుకున్నారు.