రసమయి బాలకిషన్‌ నిర్మించిన చిత్రం రుద్రంగి. అజయ్‌ సామ్రాట్‌ దర్శకత్వం వహించిన ఈ సినిమా షూటింగ్‌ పూర్తి చేసుకుని రిలీజ్‌కు సిద్దంగా ఉంది. ఈ మూవీ టీజర్ ని రిలీజ్ చేశారు మేక‌ర్స్. లేటెస్ట్‌గా రిలీజైన ఈ టీజర్ ఈ సినిమాపై ఆసక్తిని పెంచుతుంది. కాగా న‌టుడు జగపతి బాబు విలనిజం వేరే లెవల్లో ఉంది. ఇండిపెండెంట్‌ బానిసలకు కాదు రాజులకు, గాడు బలవంతుడురా కానీ నేను భగవంతుడిని రా అంటూ జగ్గు బాయ్‌ చెప్పే డైలాగ్స్‌ అదిరిపోయాయి. టీజర్ మొత్తం ఆసక్తికరంగా సాగింది. ముఖ్యంగా నోఫెల్‌ రాజా బ్యాక్‌గ్రౌండ్‌ మ్యూజిక్‌ అదిరిపోయింది. ఈ సినిమా సమ్మర్‌ కానుకగా మే 26న ఈ సినిమా ప్రేక్షకులు ముందుకు రానుంది.కాగా దాదాపు పుష్కర కాలం తర్వాత మళ్లీ తెలుగులోకి రీ ఎంట్రీ ఇస్తుంది న‌టి మమతా మోహన్‌దాస్‌. నటిగా, గాయనిగా టాలీవుడ్‌లో మంచి క్రేజ్‌ తెచ్చుకున్న మమతా గతకొంత కాలంగా టాలీవుడ్‌లో సినిమాలు చేయట్లేదు. కాగా మళ్లీ ఇన్నేళ్లకు రుద్రంగి అనే పీరియాడిక్‌ యాక్షన్‌ సినిమా చేస్తుంది.
