స్టైలిష్ స్టార్ అల్లుఅర్జున్ హీరోగా సుకుమార్ దర్శకత్వంలో ప్రేక్షకుల ముందుకు రాబోతున్న చిత్రం పుష్ప. ఎర్రచందనం స్మగ్లింగ్ నేపథ్యంలో తెరకెక్కుతున్న ఈ సినిమాలో అల్లుఅర్జున్ లారీ డ్రైవర్ పుష్ప రాజ్ గా కనిపించబోతున్నారు. అయితే ఈ సినిమాలో రష్మిక మందన్న హీరోయిన్ గా నటిస్తుంది, గతంలో సుకుమార్ అల్లుఅర్జున్ కాంబినేషన్ లో వచ్చిన రెండు సినిమాలు కూడా మంచి విజయం సాధించటంతో ఈ సినిమాపై కూడా భారీ అంచనాలు నెలకొన్నాయి.
ఇక ఈ సినిమాలో విలన్ గా జాతీయ అవార్డు గ్రహీత, మలయాళీ స్టార్ హీరో ఫహద్ ఫాజిల్‌ నటించబోతున్నారు. ఇందుకు గాను ఫాజిల్‌కు ఐదు కోట్ల రూపాయల పారితోషికంగా ఇవ్వనున్నట్లు తెలుస్తోంది. మన దగ్గర చిన్న హీరోలు సైతం ఈ రేంజ్‌లో పారితోషికం డిమాండ్‌ చేయడం లేదు. అలాంటిది విలన్ పాత్ర చేసే ఫాజిల్‌కు ఇన్ని కోట్లు ఇవ్వడం చర్చనీయాంశంగా మారింది.మలయాళం లో ఉన్న క్రేజ్ దృష్టిలో పెట్టుకునే ఆ రెమ్యునరేషన్ కి ఒకే చేసినట్టు తెలుస్తుంది.
ట్రాన్స్ , సూపర్ డీలక్స్ నటించిన ఫహద్ కు సౌత్ ఇండస్ట్రీ వ్యాప్తంగా ఫ్యాన్స్ ఉన్నారు. కానీ పుష్ప వంటి తెలుగు సినిమాలో నటించటానికి ఒకే చెయ్యటంతో మలయాళం, తమిళ్, కన్నడ మార్కెట్ లలో కూడా సినిమాపై అంచనాలు పెరిగాయి.