బాహుబలి సినిమా తో పాన్ ఇండియా స్టార్ గా మారిపోయాడు ప్రభాస్. ఈ సినిమా తర్వాత వరుస పాన్ ఇండియా సినిమాలు చేస్తున్నాడు ప్రభాస్. ప్రస్తుతం రాధేశ్యామ్ సినిమాతో పాటు ఆదిపురుష్ అలాగే సలార్ సినిమా కూడా చేస్తున్నాడు. ప్రశాంత్ నీల్ దర్శకత్వంలో తెరకెక్కుతున్న ఈ సినిమా షూటింగ్ సగభాగంలో పూర్తి చేసుకుంది. ఇక ప్రస్తుతం కరోనా కారణంగా ఈ సినిమా షూటింగ్ వాయిదా పడింది.
ఇదిలా ఉండగా ఈ సినిమాకు సంబంధించిన థియేట్రికల్ హక్కుల కోసం డిస్ట్రిబ్యూటర్లు తెగ పోటీ పడుతున్నారు. అలాగే ఇప్పుడు డిజిటల్ స్ట్రీమింగ్ హక్కులకు కూడా బేరసారాలు స్టార్ట్ అయ్యాయి. ప్రముఖ ఓటీటీ సంస్థ అమెజాన్ ప్రైమ్ పెద్ద మొత్తంలో చెల్లించి ఆ హక్కులను సొంతం చేసుకోవడానికి సిద్ధంగా ఉందట. ఓటీటీ రైట్స్ విషయంలో ఇదే అతిపెద్ద డీల్ ఇదేనట. ఇప్పటివరకు ఏ సినిమాకి అంత పెద్ద ప్రైస్ పలకలేదని తెలుస్తోంది. అయితే ఇంకా డీల్ క్లోజ్ అవ్వలేదట.