డాషింగ్ డైరెక్టర్ పూరి జగన్నాథ్ దర్శకత్వంలో రామ్ పోతినేని హీరోగా తెరకెక్కుతున్న మాస్ యాక్షన్ ఎంటర్‌టైనర్ ‘డబుల్ ఇస్మార్ట్’. ఈ మూవీని ఆగస్ట్ 15న ప్రపంచవ్యాప్తంగా థియేటర్లలో రిలీజ్ చేసేందుకు మేకర్స్ సన్నాహాలు చేస్తున్నారు. కాగా తాజాగా ఈ సినిమాకి సంబంధించిన OTT రైట్స్ పై క్లారిటీ వచ్చేసింది.
ప్రముఖ ఓటీటీ ప్లాట్‌ఫారమ్ అయిన అమెజాన్ ప్రైమ్ వీడియో ఈ సినిమా డిజిటల్ హక్కులను సొంతం చేసుకుంది. కేవలం ఈ సినిమా సౌత్ లాంగ్వేజ్ రైట్స్ 33 కోట్లకు సొంతం చేసుకుంది. హిందీ OTT రైట్స్‌పై క్లారిటీ రావాల్సి ఉంది.
గతంలో సూపర్ హిట్ సాధించిన ఇస్మార్ట్ శంకర్ కి సీక్వెల్ గా తెరకెక్కుతున్న ఇక ఈ సినిమాలో బాలీవుడ్ స్టార్ నటుడు సంజయ్ దత్ నెగెటివ్ రోల్ లో నటిస్తున్నారు. ఇక కావ్య థాపర్ హీరోయిన్ గా నటిస్తుండగా.. మెలోడీ బ్రహ్మ మణిశర్మ సంగీతం అందించిన ఈ సినిమా కోసం ప్రేక్షకులు ఎంతో ఆసక్తిగా ఎదురుచూస్తున్నారు.