నాటు నాటు ప్ర‌జ‌ల పాట‌.. రామ్ చ‌ర‌ణ్

దేశంలోని కోట్లాది మంది ప్ర‌జ‌ల మ‌ద్ద‌తు త‌మ‌కు ల‌భించినందుకు ఆనందంగా ఉంద‌న్నాడు మెగా ప‌వ‌ర్ స్టార్ రామ్ చ‌ర‌ణ్‌.అకాడమీ అవార్డ్స్ నాటు నాటు పాటను గుర్తించినందుకు సంతోషంగా ఉంది. ఈ జర్నీ ఎలా అనిపించిందన్న ప్రశ్నకు రామ్ చరణ్ బదులిస్తూ.. ఇది తమకు చాలా ప్రత్యేకమన్నాడు. షూటింగ్ సమయంలో తాము ఆస్కార్ గురించి ఆలోచించలేదన్నాడు. ఇది ఆర్ట్ ఫిల్మ్ కానీ, ఆర్ట్ సాంగ్ కానీ కాదన్నాడు. కానీ అది ప్రజల పాట అయిందన్నాడు. ఈ పాటను ప్రజలు తమ సొంతం చేసుకున్నారన్నాడు.ఆస్కార్ వేదికపై తెలుగు సినిమా మెరిసింది. బెస్ట్ ఒరిజినల్ సాంగ్ విభాగంలో ఆర్ఆర్ఆర్ సినిమాలోని ‘నాటునాటు’ పాట అవార్డు గెలుచుకుంది. సంగీత దర్శకుడు కీరణవాణి, పాటల రచయిత చంద్రబోస్ అవార్డు అందుకున్నారు.