దర్శకధీరుడు రాజమౌళి దర్శకత్వంలో యంగ్ టైగర్ ఎన్టీఆర్ మెగా పవర్ స్టార్ రామ్ చరణ్ హీరోగా తెరకెక్కుతున్న చిత్రం ఆర్ఆర్ఆర్. భారీ అంచనాల మధ్య తెరకెక్కుతున్న ఈ సినిమాలో అల్లూరి సీతారామరాజు రామ్ చరణ్, కొమురం భీం గా యంగ్ టైగర్ ఎన్టీఆర్ కనిపించబోతున్నారు. ఇప్పటికే ఈ సినిమాకు సంబంధించి విడుదలైన టీజర్ లకు ప్రేక్షకుల నుండి విశేష స్పందన లభించింది. అయితే కరోనా కారణంగా ఈ సినిమా షూటింగ్ వాయిదా పడిన సంగతి తెలిసిందే. ఇప్పుడిప్పుడే అనుమతులు రావడంతో షూటింగ్ స్టార్ట్ చేశారు. కాగా ఆర్ ఆర్ ఆర్ సినిమా సెట్ లో రాంచరణ్ ఈరోజు అడుగుపెట్టారు.
ముంబైకి చెందిన ప్రముఖ హెయిర్ స్టైలిస్ట్ అలీమ్ హకీమ్ రామ్ చరణ్ స్టైల్ కోసం సెట్ కి వచ్చాడుమ్ ఈ సందర్భంగా హకీమ్ చరణ్ తో దిగిన ఫోటో ని సోషల్ మీడియాలో పోస్ట్ చేశాడు. ఈ ఫోటో ప్రస్తుతం సోషల్ మీడియాలో తెగ వైరల్ అవుతోంది. ఇక ఈ సినిమాలో అజయ్ దేవగన్ అలియాభట్ కూడా నటిస్తున్నారు. డివి ఎంటర్టైన్మెంట్ పతాకంపై ఈ సినిమాను దానయ్య నిర్మిస్తున్నారు.