సీనియర్ నటుడు ప్రకాష్ రాజ్ ఇటీవలే షూటింగ్ లో గాయపడ్డ సంగతి తెలిసిందే. అయితే ఈ నేపథ్యంలోనే హైదరాబాద్ కు వచ్చి శస్త్రచికిత్స చేయించుకున్నారు. ఆ తర్వాత ఆసుపత్రి నుంచి డిశ్చార్జ్ అయిన ప్రకాష్ రాజ్ మునుపటిలా సినిమా షూటింగులో కూడా పాల్గొంటున్నారు. అందుకు సంబంధించిన ఫోటోలను సోషల్ మీడియాలో షేర్ చేశారు ప్రకాష్ రాజ్.
గ్వాలియర్ విమానాశ్రయంలో దర్శకుడు మణిరత్నం, హీరో కార్తీ తో దిగిన ఫోటోలను సోషల్ మీడియాలో షేర్ చేశారు. ఇక మణిరత్నం ప్రస్తుతం పొన్నియిన్ సెల్వన్ సినిమా షూటింగ్ లో బిజీగా ఉన్నారు. కల్కి కృష్ణమూర్తి రాసిన నవల ఆధారంగా ఈ సినిమాను రూపొందిస్తున్నారు. ఇందులో చియాన్ విక్రమ్, జయం రవి, కార్తీ, ఐశ్వర్యరాయ్, ఐశ్వర్య లక్ష్మి, త్రిష, ప్రభు, శరత్ కుమార్ వంటి స్టార్స్ నటిస్తున్నారు. ఈ సినిమా మొదటి భాగం 2022లో విడుదల కానుంది.