ప్రభాస్ ఇటీవల కల్కి సినిమాతో బాక్సాఫీస్ వద్ద మరోసారి 1000 కోట్ల భారీ హిట్ అందుకున్నాడు. ఇప్పుడు మారుతీ దర్శకత్వంలో రాజాసాబ్ రాబోతున్నాడు. పీపుల్ మీడియా ఫ్యాక్టరీ నిర్మిస్తున్న ఈ చిత్రానికి సంబంధించిన గ్లింప్స్‌ని మేకర్స్ విడుదల చేశారు.
ఈ గ్లింప్స్‌లో ప్రభాస్ చాలా కొత్తగా కనిపిస్తున్నాడు. దీంతో ఈ గ్లింప్స్ ప్రస్తుతం వైరల్ అవుతుంది.. ఈ గ్లింప్స్‌తో రాజసాబ్ మూవీని 2025 ఏప్రిల్ 10 విడుదల చేయనున్నట్లు ప్రకటించారు. ఇక ఈ సినిమాలో నిధి అగర్వాల్, రిధి కుమార్, మాళవిక మోహనన్ హీరోయిన్లుగా నటిస్తున్నారు. రొమాంటిక్ హారర్ కామెడీ జానర్‌లో తెరకెక్కుతున్న ఈ సినిమా.. తెలుగు, తమిళం, మలయాళం, కన్నడ, హిందీ భాషల్లో పాన్ ఇండియా వైడ్ గా విడుదల కానుంది.