అల్లు అర్జున్ హీరోగా సుకుమార్ పుష్ప 2 త్వ‌ర‌లో సెట్స్ మీద‌కి రానుంది. మైత్రీ మూవీ మేకర్స్ ఈ సినిమాను భారీస్థాయిలో నిర్మిస్తున్నారు. త్వరలోనే ఈ సినిమాను సెట్స్ పైకి తీసుకుని వెళ్లడానికి సన్నాహాలు చేస్తున్నారు. ఫస్ట్ పార్టుతో పాటు సెకండ్ పార్టులోను ఫారెస్ట్ ఆఫీసర్ గా ఫహాద్ ఫాజిల్ కనిపించనున్నారు. అయితే.. సెకండ్ పార్ట్ లో మరో పవర్ఫుల్ పోలీస్ ఆఫీసర్ గా సీనియర్ స్టార్ హీరోను పెట్టేందుకు ప్లాన్ చేస్తున్నన్నట్టు తెలుస్తోంది.
ఆ సీనియర్ స్టార్ హీరో ఎవరో కాదు.. బాలీవుడ్లో ఒకప్పుడు యాక్షన్ సినిమాలు ఎక్కువగా చేసిన సునీల్ శెట్టి. ఈ మ‌ధ్య కాలంలో ఈయ‌న తెలుగులోనూ ముఖ్యమైన రోల్స్ చేస్తూ క‌నిపిస్తున్నారు. ఇక ఇప్పుడు ‘పుష్ప 2’ కోసం కూడా ఆయనను ఎంపిక చేసినట్టు తెలుస్తోంది. ఈ పాత్రను సుకుమార్ డిఫరెంట్ గా డిజైన్ చేశారని చెబుతున్నారు. ఇక.. రష్మిక కథానాయికగా నటించే ఈ సినిమాలో, దిశా పటాని కూడా కనిపించి మురిపించనున్నట్టు సమాచారం. స్పెషల్ సాంగ్ కోసం ఆమెను తీసుకున్నట్టు ఫిలింనగర్ వర్గాల సమాచారం.
లోక‌ల్ టు గ్లోబ‌ల్.. ప్రభన్యూస్ కోసం ఫేస్‌బుక్‌, ట్విట‌ర్, టెలిగ్రామ్ పేజీల‌ను ఫాలో అవ్వండి..