పవర్ స్టార్ పవన్ కళ్యాణ్ హీరోగా రానా దగ్గుబాటి ప్రధాన పాత్రలలో సాగర్ కే చంద్ర దర్శకత్వంలో అయ్యప్పనుమ్ కొషియమ్ రీమేక్ చిత్రం తెరకెక్కుతున్న సంగతి తెలిసిందే. మాటల మాంత్రికుడు త్రివిక్రమ్ కథ స్క్రీన్ ప్లే ఈ సినిమాకు అందిస్తున్నారు. అయితే ఇదిలా ఉండగా ఈ సినిమాలో పవన్ కళ్యాణ్ పాట పాడబోతున్నారు అని ముందు నుంచి ప్రచారం జరగగా… తాజా సమాచారం ప్రకారం పెంచల్ దాస్ పేరు వినబడుతోంది.
ఈ సినిమా సెకండాఫ్ లో వచ్చే ఓ నేపథ్య గీతాన్ని పెంచల దాస్ చేత పాడించాలని దర్శక నిర్మాతలు భావిస్తున్నట్లు తెలుస్తోంది. కాగా పెంచల్ దాస్ పాడిన పాటలు తక్కువే అయినప్పటికీ మంచి గుర్తింపు తెచ్చుకున్నాడు. శ్రీకారం, కృష్ణార్జున యుద్ధం, అరవింద సమేత వంటి చిత్రాలలో పెంచల దాస్ పాడిన పాటలకు మంచి స్పందన వచ్చింది. ఇక పవన్ సినిమాకు థమన్ మ్యూజిక్ అందిస్తున్నారు.