టాలీవుడ్‌లో ఒక పక్క థియేటర్స్‌లో వరుసపెట్టి కొత్త సినిమాలు సందడి చేస్తున్నా.. రీ-రిలీజ్‌ల డిమాండ్ పెరుగుతూనే ఉంది. దీంతో మేకర్స్ కూడా ఆయా సినిమాలను రీ-రిలీజ్‌కి సిద్ధం చేస్తున్నారు. ఇక తాజాగా పవన్ కళ్యాణ్ మరో మూవీ ”కెమెరామెన్ గంగతో రాంబాబు” రీరిలీజ్‌కు రెడీ అయిపోయింది.
పూరీజగన్నాధ్ దర్శకత్వంలో పవన్, తమన్నా ప్రదాన పాత్రల్లో తెరకెక్కిన ఈ సినిమా పొలిటికల్ డ్రామా నేపథ్యంలో 2012లో రిలీజ్ అయింది. ఈ మూవీలో పవన్ కళ్యాణ్ ఒక జర్నలిస్ట్ గా నటించారు. కాగా, ఈ మూవీ వచ్చే నెల (ఫిబ్రవరి) 7న ఈ ఏపీ, తెలంగాణ రాష్ట్రాల్లో రీ–రిలీజ్ చేయబోతున్నారు. దీంతో ప్రస్తుతం పవన్ అభిమానులు సోషల్ మీడియాలో తెగ సందడి చేస్తున్నారు. ఇక రెగ్యూలర్ రిలీజ్ లిస్ట్‌లో రవితేజ ‘ఈగల్’, జీవా ‘యాత్ర 2’, రజినీకాంత్ ‘లాల్ సలామ్’ సినిమాలు ఉన్నాయి.