టాలెంటెడ్ పీపుల్ బీ రెడీ.. నిర్మాతగా పవన్ వరుస సినిమాలు

నవతరం ఆలోచనలు కలిగిన ప్రతిభ ఉన్న వాళ్లను హీరో పవన్ కళ్యాణ్ వెలుగులోకి తీసుకురానున్నాడు. టాలెంటెడ్ పీపుల్‌కు పీపుల్స్ మీడియా ఫ్యాక్టరీ అధినేత టి.జి.విశ్వప్రసాద్ ద్వారా పవన్ ఓ అవకాశం ఇవ్వనున్నాడు. కొత్త కథలతో దాదాపు 15 సినిమాలను నిర్మించనున్నట్టు పవన్ బ్యానర్ ప్రకటించింది. పీపుల్స్ మీడియా ఫ్యాక్టరీ, పవన్ కళ్యాణ్ క్రియేటివ్ వర్క్స్ బ్యానర్‌లో ఈ సినిమాలు తెరకెక్కనున్నాయి. ఇందులో 6 పరిమిత చిన్న తరహా చిత్రాలు, 6 మధ్యతరహా చిత్రాలు, 3 భారీ చిత్రాలు ఉండనున్నాయి. కథా రచయితలు, దర్శకుల ప్రతిభకు అనువైన వాతావరణాన్ని కల్పించేలా ఈ భాగస్వామ్యం ఉండనుంది. హరీష్ పాయ్ ఎగ్జిక్యూటివ్ నిర్మాతగా వ్యవహరించనున్నారు. కాగా హీరోగా పవన్ కళ్యాణ్ రీ ఎంట్రీ సినిమా ‘వకీల్ సాబ్’ ఈనెల 9న ప్రపంచ వ్యాప్తంగా విడుదల కానున్న సంగతి తెలిసిందే.