అర్జున్ వై.కె దర్శకత్వంలో సుహాస్ హీరోగా తెరకెక్కిన మూవీ ప్రసన్న వదనం. పాయల్ రాధాకృష్ణ కథానాయికగా నటించిన ఈ సినిమాలో రాశీసింగ్, నందు, వైవా హర్ష, సాయి శ్వేత, నితిన్ ప్రసన్న కీలక పాత్రలు పోషించారు. ఈనెల 3న (మే) ప్రేక్షకుల ముందుకు వచ్చిన ఈ సినిమా పాజిటివ్ టాక్ సొంతం చేసుకుంది.
కాగా.. సినిమా త్వ‌ర‌లో ఓటీటీలో స్ట్రీమింగ్ రానుంది. ఈ మూవీ ఓటీటీ హ‌క్కుల‌ను తెలుగు ఓటీటీ ప్లాట్‌ఫాం ఆహా ద‌క్కించుకోగా.. ఈ సినిమాను మే 24 నుంచి స్ట్రీమింగ్ చేయ‌నున్న‌ట్లు వెల్ల‌డించింది. ఇక ఆహా గోల్డ్ సబ్స్క్రిప్షన్ క‌లిగిన వినియోగ‌దారులు ఒక రోజు ముందుగానే (మే 23 నుంచి) ఈ సినిమాని వీక్షించ‌వ‌చ్చు.