వారానికో ఫుల్ వీడియో సాంగ్ను విడుదల చేస్తూ సినీ అభిమానుల్ని అలరిస్తోంది ‘ఆర్ఆర్ఆర్’ చిత్ర బృందం. ఇప్పటికే ‘నాటు నాటుస.. ‘కొమ్మ ఉయ్యాలా’, ‘దోస్తీ’ వీడియోలు పంచుకున్న టీమ్ తాజాగా సెలబ్రేషన్ ఆంథమ్ ‘ఎత్తర జెండా’ను అందించింది. సినిమా విడుదలకు ముందే ఈ పాటకు సంబంధించిన వీడియోను రిలీజ్ చేసినా అందులో కథానాయకులు రామ్చరణ్, ఎన్టీఆర్, కథానాయిక అలియా భట్ మాత్రమే కనిపించారు.
ఈ కొత్త వీడియోలో దర్శకుడు రాజమౌళి, అజయ్ దేవ్గన్, ఒలివియా మోరిస్ కూడా తళుక్కున మెరిశారు. రామజోగయ్య శాస్త్రి సాహిత్యం.. ఎంఎం కీరవాణి సంగీతం, విశాల్ మిశ్రా, పృధ్వీ చంద్ర, సాహితి చాగంటి, హరికా నారాయణ్ గానం ఎంతగా అలరించాయో తెలిసిందే. మార్చి 25న విడుదలైన ఈ పాన్ ఇండియా చిత్రం దాదాపు 1100 కోట్లకు పైగా వసూళ్లు సాధించి రికార్డుల మీద రికార్డులు కొడుతున్న విషయం తెలిసిందే..
లోక‌ల్ టు గ్లోబ‌ల్.. ప్రభన్యూస్ కోసం ఫేస్‌బుక్‌, ట్విట‌ర్, టెలిగ్రామ్ పేజీల‌ను ఫాలో అవ్వండి..