విభిన్నమైన కథలతో మంచి నటుడిగా తనకంటూ ఒక ప్రత్యేకమైన గుర్తింపును అందుకున్నాడు నందమూరి టాలెంటెడ్ హీరో కళ్యాణ్ రామ్. బింబిసార లాంటి బ్లాక్ బస్టర్ హిట్ త‌రువాత… అభిషేక్ నామా ద‌ర్శ‌క‌త్వంలో నందమూరి క‌ల్యాణ్‌రామ్ నుంచి వస్తున్న లేటుస్ట్ మూవీ ‘‘డెవిల్’’. ఈ సినిమాలో సంయుక్త మేనన్ హీరోయిన్ గా నటించగా ఇప్పటివరకు విడుదలైన సాంగ్స్ తో పాటు.. ప్రతి చిన్న అప్డేట్ కూడా మంచి బజ్ అయితే క్రియేట్ చేసింది.
అయితే మొద‌ట ఈ మూవీని న‌వంబ‌ర్ 24న విడుదల చేసేందుకు మేక‌ర్స్ ప్లాన్ చేశారు.. అయితే కొన్ని పోస్ట్ ప్రొడక్షన్ పనులు ఆలస్యం కావడంతో సినిమాను వాయిదా వేశారు. ఇక తాజాగా ఈ సినిమా రిలీజ్ డేట్‌ని మ‌ళ్లీ ప్ర‌క‌టించారు మేక‌ర్స్. ఈ సినిమాను డిసెంబ‌ర్ 29న పాన్ ఇండియా లెవ‌ల్లో విడుదల చేయ‌నున్న‌ట్లు వెల్ల‌డించారు.