ప్రస్తుతం బ్యాక్ టు బ్యాక్ చిత్రాల‌తో బిజీగా ఉన్నాడు బాలీవుడ్ స్టార్ హీరో స‌ల్మాన్ ఖాన్ .. ఆయ‌న న‌టిస్తోన్న చిత్రాల్లో కిసీ కా భాయ్‌ కిసీ కా జాన్ ఒక‌టి. ఈద్ సందర్భంగా వ‌చ్చే ఏడాది ఏప్రిల్‌ 4న ఈ మూవీ రిలీజ్‌ కానుంది. ఇప్పటికే రిలీజైన టీజర్‌, ట్రైలర్‌లకు అదిరిపోయే రెస్పాన్స్‌ వచ్చింది.తాజాగా మేకర్స్ ఈ సినిమాలోని ఓ బల్లే బల్లే అంటూ సాగే హుషారైనా పాటను రిలీజ్‌ చేశారు. ఈ పాటలో సల్మాన్స్‌ స్టెప్స్‌ అదిరిపోయాయి. అంతేకాకుండా ఈ పాటకు థియేటర్‌లో ప్రేక్షకులు ఈలలు గోలలతో రచ్చ చేయం ఖాయం. ఇప్పటికే రిలీజైన అన్ని పాటలకు మంచి రెస్పాన్స్‌ వచ్చింది. ఇక ఈ పాట కూడా జనాలకు ఇన్‌స్టాంగ్‌గా ఎక్కేస్తుంది. సుఖ్బీర్‌ స్వరపరిచిన పాటను ఆయనే స్వయంగా ఆలపించాడు. ఈ సినిమాలో సల్మాన్‌కు జోడీగా పూజాహెగ్డే నటిస్తుంది. హీరో వెంకటేష్‌ కీలకపాత్రలో నటిస్తున్నాడు. జగపతిబాబు ప్రతినాయకుడి పాత్ర పోషిస్తున్నాడు. టీజర్‌, ట్రైలర్‌లను గమనిస్తే తెలుగు నెటివిటీని కాస్త ఎక్కువగానే దట్టించినట్లు తెలుస్తుంది. మ‌రి ఈ చిత్రం ఏ మేర‌కు విజ‌యం సాధిస్తుందో తెలియాల్సి ఉంది.
