టాలీవుడ్ హీరోయిన్ నిత్యా మీనన్ తాజాగా ‘కుమారి శ్రీమతి’ అనే కొత్త వెబ్ సిరీస్‌తో ప్రేక్ష‌కుల ముందుకు వచ్చింది. వైజయంతీ మూవీస్‌కు చెందిన ఎర్లీ మోషన్ టేల్స్ & స్వప్న సినిమాస్ ఈ వెబ్ సిరీస్‌ను నిర్మించాయి. గోమటేష్ ఉపాధ్యాయే దర్శకత్వం వహించిన ‘కుమారి శ్రీమతి’ వెబ్ సిరీస్ సెప్టెంబర్ 28 నుండి తెలుగు, తమిళం, మలయాళంచ, హిందీ భాషల్లో స్ట్రీమింగ్ కి వచ్చింది.
అయితే, ఓటీటీలో రిలీజ్ అయిన ఒక్క రోజులోనే ఈ సిరీస్ అమెజాన్ ప్రైమ్ వీడియోలో టాప్ 1 స్థానంలో ట్రెండ్ అవుతోంది. శ్రీనివాస్ అవసరాల ఈ సిరీస్‌లో అతిథి పాత్రలో కనిపించగా, తాళ్లూరి రామేశ్వరి, గౌతమి, ప్రణీత పట్నాయక్, నిరుపమ్, తిరువీర్, నరేష్ మరియు ప్రేమ్ సాగర్ ప్రధాన పాత్రల్లో నటించారు.
