యంగ్ హీరో నిఖిల్ కూడా ‘స్వయంభు’ అనే పీరియాడిక్ పాన్ ఇండియా మూవీతో ప్రేక్షకుల ముందుకు రానున్నాడు. ఈ సినిమాలో నిఖిల్ ఒక యోధుడిగా కనిపించనున్నాడు. భరత్ కృష్ణమాచారి దర్శకత్వం వహిస్తున్న ఈ మూవీకి నిర్మాతలు భువన్, శ్రీకర్ భారీ బడ్జెట్ కేటాయిస్తున్నారు. కాగా, నేడు జూన్ 1న నిఖిల్ పుట్టినరోజు సందర్భంగా ‘స్వయంభు’ నుంచి కొత్త పోస్టర్ రిలీజ్ చేశారు మేక‌ర్స్.
ఈ పోస్ట‌ర్‌‌ని నిఖల్ కూడా తన సోషల్ మీడియా ఎకౌంట్‌లో పోస్ట్ చేశాడు. ‘స్వయంభు.. టీమ్ అందించిన బర్త్ డే విషెస్‌కు చాలా థ్యాంక్స్. ప్రతీరోజు ఈ సినిమా కోసం షూట్ చేయడం అనేది ఒక అద్భుతమైన అనుభవం. మేము ఏం సిద్ధం చేస్తున్నామో మీకు చూపించడానికి ఎదురుచూస్తున్నాం’’ అంటూ రాసుకొచ్చాడు.
ఇక ఈ సినిమాలో సంయుక్త మీనన్‌తో పాటు నభా నటేశ్ హీరోయిన్లుగా నటింస్తున్నారు. ‘కార్తికేయ 2’ తర్వాత నిఖిల్ నటించిన మూవీ హిందీలో విడుదల అవుతుండడంతో ‘స్వయంభు’ కోసం బాలీవుడ్ ప్రేక్షకులు కూడా ఆసక్తిగా ఎదురుచూస్తున్నారు. ‘ఆర్ఆర్ఆర్’, ‘బాహుబలి’ లాంటి సినిమాలకు కెమెరామ్యాన్‌గా పనిచేసిన సెంథిల్ కుమార్.. ‘స్వయంభు’ టీమ్‌లో చేరారు.