నేచురల్ స్టార్ నాని లేటెస్ట్ గా ‘హాయ్ నాన్న’.. అంటూ ప్రేక్షకులను పలకరించి బ్లాక్ బస్టర్ హిట్ అందుకున్నాడు. ఇక ప్రస్తుతం ‘అంటే సుందరాణి’ ఫేమ్ వివేక్ ఆత్రేయతో ‘సరిపోదా శనివారం’ అనే సినిమా చేస్తున్నాడు. ఈ సినిమా తర్వాత కూడా నాని వరుస ప్రాజెక్ట్స్‌ని లైన్లో పెట్టాడు. డివివి, దిల్ రాజులతో ప్రతిష్టాత్మక ప్రాజెక్ట్ లు చేసేందుకు సిద్ధమవుతున్నాడు.
ప్రస్తుతం డీవీవీ బ్యానర్‌పై నాని నటిస్తున్న చిత్రం ‘సరిపోదా శనివారం’. ఈ సినిమా తర్వాత అదే బ్యానర్‌లో ఓజీ మూవీ డైరెక్టర్ సుజిత్‌తో మరో సినిమా చేయబోతున్నాడు. మాఫియా బ్యాక్‌డ్రాప్‌తో ఈ సినిమా తెరకెక్కనుందని సమాచారం. అలాగే నాని ‘బలగం’ వేణు, ‘దసరా’ దర్శకుడు శ్రీకాంత్‌తో వరుస సినిమాలు చేయనున్నాడు. వేణు-నాని సినిమాను దిల్ రాజు నిర్మించబోతున్నట్లు సమాచారం. ఇక దాని తరువాత శైలేష్ పొలానుతో హిట్ 3 కూడా లైన్లో ఉంది.