టాలీవుడ్ లో అత్యద్భుతమైన సినిమాలను నిర్మిస్తున్న ప్ర‌ముఖ నిర్మాన సంస్థ మైత్రీ మూవీ మేకర్స్ వారి స‌ర్కిల్ పెంచుకునేందుకు ప్ర‌య‌త్నిస్తోంది. తెలుగులోనే కాకుండా ఇత‌ర భాషా సినిమాలను నిర్మించేందుకు మొగ్గు చూపుతోంది. ప్ర‌స్తుతం మ‌ల‌యాళంలో ఒక సినిమాని చేస్తోంది ఈ సంస్థ. మలయాళ నటుడు టోవినో థామస్‌తో ”నడికర్ తిలగం” అనే మూవీని నిర్మిస్తున్నారు మైత్రీ మూవీ మేకర్స్. కాగా, ఆ సినిమాకి సంబందించిన ఫస్ట్ లుక్ ని ఇవ్వాల రిలీజ్ చేశారు.
డ్రైవింగ్ లైసెన్స్ ఫేమ్ లాల్ జీన్ పాల్ దర్శకుడు. పుష్ప మేకర్స్‌తో కలిసి అల్లన్ ఆంటోని, అనూప్ వేణుగోపాల్ ఈ సినిమాని సంయుక్తంగా నిర్మిస్తున్నారు. సౌభిన్ షాహిర్ మరో ప్రధాన పాత్రలో నటిస్తున్నాడు. యక్జాన్ గారి పెరీరా, నేహా ఎస్ నాయర్ స్వరాలు సమకూరుస్తున్నారు.