‘కల్కి 2898ఏడీ’తో బాక్సాఫీస్‌ రికార్డులను బద్దలు కొట్టేశాడు ప్రభాస్‌. ఓటీటీలో కూడా ‘కల్కి’ చేస్తున్న హంగామా మామూలుగా లేదు. త్వరలో ప్రభాస్‌ నుంచి మరిన్ని అద్భుతాలు రానున్నాయి. వాటిల్లో ఒకటి ‘స్పిరిట్’. సందీప్‌రెడ్డి వంగా దర్శకత్వం వహించనున్న ఈ సినిమా విషయంలో ఓ తాజా అప్‌డేట్‌ వెలుగు చూసింది. ‘స్పిరిట్’ షూటింగ్‌ని వచ్చే ఏడాది జనవరి నుంచి మొదలుపెట్టనున్నారట సందీప్‌రెడ్డి.
ఈ లోపు ప్రభాస్‌ తన ఇతర ప్రాజెక్టులు పూర్తి చేసుకుంటారు. పాన్‌ ఆసియా లెవల్లో తెరకెక్కనున్న ‘స్పిరిట్’ షూటింగ్‌ని నిరవధికంగా ఏడాది పాటు ప్లాన్‌ చేశారట సందీప్‌రెడ్డి. 2026 జనవరిలో సినిమాను విడుదల చేసేందుకు ఆయన కసరత్తులు చేస్తున్నాడు. . ఇందులో ప్రభాస్‌ పవర్‌ఫుల్‌ పోలీస్‌ పాత్రలో నటించనున్నారు. త్రిష కథానాయికగా ఎంపికైనట్టు వార్తలు వస్తున్నాయి. మొత్తానికి సందీప్‌ సాలిడ్‌ ప్లానింగ్‌తోనే ఉన్నాడని చెప్పొచ్చు.