కరోనా సెకండ్ వేవ్ తీవ్రత రోజురోజుకూ పెరుగుతోంది. ఈ నేపథ్యంలోనే ఎంతోమంది ఆక్సిజన్ అందక ప్రాణాలను విడుస్తున్నారు. కాగా సినీ నటుడు జగపతిబాబు అభిమాన సంఘం గుంటూరు ప్రెసిడెంట్ శ్రీను ఈ మహమ్మారి కారణంగా మృతి చెందారు. ఇదే విషయమై జగపతిబాబు మాట్లాడుతూ… ఎమోషనల్ అయ్యారు. శ్రీను కరోనా తో కన్నుమూయడం బాధాకరమని శ్రీను సంతానంలో ఒకరికి జగపతి అని తన పేరు పెట్టారని ఉద్వేగానికి లోనయ్యారు. ఈ కుటుంబానికి తన అండ ఎప్పటికీ ఉంటుందని భరోసా ఇచ్చారు.
కరోనా వల్ల కళ్ళముందే ఎంతోమంది చనిపోతున్నారని ఎవరు ఎప్పుడు మరణిస్తారో తెలియని స్థితిలో ఉన్నామని అన్నారు జగపతిబాబు. ఇప్పటికైనా అందరూ మాస్కులు ధరిస్తూ, శానిటైజ్ చేసుకోవాలని కోరారు.