సినిమా థియేటర్స్ కళకళలాడుతున్నాయి. వరుస సినిమాలు రిలీజ్ అవుతున్నాయి. లాక్‌డౌన్‌ తర్వాత రిలీజ్ అయిన ఉప్పెన, జాతి రత్నాలు, బాక్సాఫీస్ వద్ద మంచి ఓపెనింగ్స్ సాధించడంతో పాటు కలెక్షన్ లను కూడా రాబెట్టాయి. ఇక ఈ వారం శశి, చావు కబురు చల్లగా, మోసగాళ్లు సినిమాలు వచ్చాయి. ఇక ఈ మూడు సినిమాలలో చావు కబురు చల్లగా సినిమాకు కాస్త క్రేజ్ ఉన్నప్పటికీ ఈ సినిమా ప్రేక్షకులను ఆ స్థాయిలో మెప్పించలేకపోయింది.
ఇక శశి సినిమా కూడా ప్రేక్షకులను ఆకట్టుకోలేకపోయింది. మోసగాళ్లు విషయానికి వస్తే సినిమాను మొదటి నుంచి జనాలు పట్టించుకోలేదు. దీంతో ఏ సినిమాకి కూడా మొదటి రోజు మంచి ఓపెనింగ్స్ రాలేదు. ఈ వారం రిలీజ్ అయిన మూడు సినిమాలు కూడా ఫస్ట్ డే కలెక్షన్స్ నిరాశ పరిచాయనే చెప్పాలి. మరి రాబోయే రోజుల్లో నిర్మాతలకు కనీసం పెట్టిన డబ్బులు అయినా వస్తాయో లేదో చూడాలి.