కుటుంబ నేపథ్యంలో రూపొందుతున్న చిత్రం ‘మిస్టర్ కళ్యాణ్‌’. ఈ చిత్రంలో మాన్యం కృష్ణ, అర్చన హీరో హీరోయిన్‌. ఈ సినిమాతో పండు దర్శకుడిగా పరిచయం అవు తున్నారు. నిర్మాత ఎన్వీ.సుబ్బారెడ్డి ఖర్చుకు వెనకాడకుండా ఈ సినిమాను నిర్మించారు. సప్తగిరి, ధనరాజ్‌, తాగుబోతు రమేష్‌ ముఖ్య పాత్రల్లో నటించారు. ఈ సినిమా చిత్రీకరణ వైజాగ్‌, హైదరాబాద్‌ ప్రాం తాల్లో జరిగింది. ఒక ప్రత్యేక గీతాన్ని లడక్‌ లోని అందమైన లొకేషన్స్‌ లో చిత్రీకరించారు.
ఈ సినిమా ట్రైలర్‌ను ‘ధమాక’ ఫేమ్‌ దర్శకులు నక్కిన త్రినాధ్‌ విడుదల చేశారు. ‘మిస్టర్ కళ్యాణ్‌’ -టైలర్‌ బాగుంది. మేకింగ్‌, లొకేషన్స్‌, సంభాషణలు అన్నీ బాగున్నాయి. నటీ నటులు బాగా నటించారు. దర్శకుడు పండుకు అలాగే నిర్మాత సుబ్బారెడ్డి గారికి ఈ సినిమా మంచి విజయం సాధించాలి” అని అన్నారు. దర్శక నిర్మాతలు నక్కిన త్రినాధరావుకు కృతజ్ఞతలు తెలిపారు.