అనుష్క శెట్టి, నవీన్‌ పోలిశెట్టి కాంబినేషన్‌లో రూపొందుతున్న చిత్రం ‘మిస్‌ శెట్టి మిస్టర్‌ పోలిశెట్టి’. యూవీ క్రియేషన్స్‌ బ్యానర్‌లో నిర్మాణమవుతున్న ఈ చిత్రానికి పి. మహేష్‌ కుమార్‌ దర్శకుడు. తాజాగా విడుదల చేసిన ఈ సినిమా -టైటిల్‌, ఫస్ట్‌ లుక్‌ పోస్టర్‌, ఫస్ట్‌ లిరికల్‌ సాంగ్‌ కు మంచి స్పందన వచ్చింది. ఇప్పుడు ‘మిస్‌ శెట్టి మిస్టర్‌ పోలిశెట్టి’ టీ-జర్‌ ను ఇంజనీరింగ్‌ విద్యార్థుల మధ్య విడుదల చేసింది చిత్ర బృందం.
ఈ చిత్ర కథ ఒక చెఫ్‌, ఒక స్టాండప్‌ కమెడియన్‌ మధ్య సాగే కథగా ఇప్పటికే చెప్పారు. టీ-జర్‌ లో దాన్ని మరింత వినోదాత్మకంగా చూపించారు. రవళి పాత్రలో నటించిన అనుష్క ప్రొఫెషనల్‌ చెఫ్‌. పెళ్లంటే ఇష్టం ఉండదు. పేరెంట్స్‌ కు ఇష్టం లేకపోయినా స్టాండప్‌ కమెడియన్‌ గా రాణించాలని ప్రయత్నించే మరో కుర్రాడు. ఈ ఇద్దరికీ అనుకోకుండా పరిచయమై ఆ పరిచయం స్నేహంగా మారుతుంది. ఈ సినిమా నుంచి కూడా బోలెడు కామెడీ ఆశించవచ్చని పరోక్షంగా చెప్పారు. టీ-జర్‌ ఆకట్టుకునే విధంగా ఉంది. ఓ కొత్త అనుభూతి మాత్రం ఈ టీ-జర్‌ తో కలుగుతుందని చెప్పొచ్చు. తెలుగుతో పాటు- తమిళ్‌, కన్నడ, మళయాల భాషల్లో విడుదల కాబోతోన్న ఈ చిత్రంలో అనుష్క శెట్టి, నవీన్‌ పోలిశెట్టి, జయసుధ, మురళీ శర్మ, తులసి తదితరులు నటించారు. నిర్మాతలు : వంశీ – ప్రమోద్‌ – విక్రమ్‌.