మెగా ఫ్యామిలీ నుంచి మరొకరు సినీ రంగ ప్రవేశం చేయనున్నారు. అందేంటి ఇప్పటికే టాలీవుడ్‌లో సగం మంది హీరోలు మెగా ఫ్యామిలీ నుండి వ‌చ్చిన వారే కదా..మరీ ఇంకెవరు సినిమాల్లోకి రాబోతున్నారని ఆలోచిస్తున్నారా..? ఇప్పుడు ఆ ఫ్యామిలీ నుంచి వెండిత‌ర ప్ర‌యాణం మొద‌లు పెట్ట‌బోతున్నది ఎవ‌రో కాదు చిరంజీవి పెద్ద కూతురు సుస్మిత. ఇప్పటికే క్యాస్టూమ్ డిజైనర్ గా చిరు, చరణ్ చిత్రాలకు వర్క్ చేశారు సుస్మిత. ఇప్పుడు వెండితెర‌పై తన అదృష్టం ప‌రీక్షించుకునేందుకు సిద్ధ‌మైంది. ఈ మ‌ధ్య తన భర్త విష్ణుతో కలిసి ‘గోల్డ్ బాక్స్ ఎంటర్ టైన్మెంట్’ స్థాపించిన సుస్మిత.. ‘షూటౌట్ ఎట్ ఆలేరు’ పేరుతో వెబ్ సిరీస్ కూడా నిర్మించారు.
తమిళంలో మంచి పేరుతెచ్చుకున్న సినిమా 8 తొట్ట‌క‌ల్ ను తెలుగు రీమెక్ లో సుస్మత అరంగ్రేటం చేయనుందట. నాలుగేళ్ల క్రితం తమిళంలో విడుద‌లైన ఈ చిత్రం మంచి విజ‌యం సాధించింది. క‌న్న‌డ‌లోను రీమేక్ కాగా, అక్క‌డ భారీ హిట్ కొట్టింది. ఈ సినిమా రీమేక్ హ‌క్కుల‌ను ఇప్పటికే కొనుగోలు చేసిన సుస్మిత ఈ చిత్రాన్ని తెలుగులో రీమేక్ చేయాల‌ని అనుకుంటున్నారట. కేసు విచార‌ణ‌లో పోలీసు తన రివాల్వ‌ర్ పోగొట్టుకోగా ఇది ఎన్నో ప‌రిణామాల‌కు దారి తీస్తుంది. ఈ లైన్ తో స్టోరీ నడుస్తోందట. దీనిని తెలుగులో ఓ యువ హీరోతో చేయనుందట సుస్మిత.