టీమిండియా కెప్టెన్ రోహిత్ శర్మ వెండితెరపై అలరించనున్నాడా? త్వ‌ర‌లోనే దీనికి సంబంధించి అరంగేట్రం ఉంటుందా? బీసీసీఐ అధ్యక్షుడు గంగూలీతో కలిసి నటించబోతున్నాడా? కీలక పాత్రలో నేషనల్ క్రష్ రష్మిక, తమిళ స్టార్ హీరో కార్తి నటించబోతున్నారా? అంటే అవుననే అంటున్నారు ప‌రిశీల‌కులు. ఈ నలుగురు కలిసి తమ ఇన్స్టా ఖాతాల్లో ఒకే రకమైన పోస్ట్ చేయడమే దీనికి కార‌ణంగా చెబుతున్నారు. నలుగురు కలిసి ‘‘మెగా బ్లాక్ బస్టర్’’ అంటూ తమ ఫొటోలతో ఉన్న పోస్టర్లను షేర్ చేశారు.
సెప్టెంబర్ 4వ తేదీన దీని ట్రైలర్ రిలీజ్ అవ్వబోతున్నట్లు కూడా అందులో తెలిపారు. దీంతో అభిమానుల్లో ఉత్కంఠ మొదలైంది. ఈ పోస్టు చూసి ఈ నలుగురు కలిసి పాన్ ఇండియా సినిమా చేయబోతున్నారా?, మరేదైనా ఓ స్పెషల్ ప్రోగ్రామ్లో ఉంటుందా? లేక రియాలిటీ షో ఏదైనా ప్లాన్ చేశారా? యాడ్లో నటించారా? అని ప్ర‌శ్న‌ల‌తో ముంచెత్తుతున్నారు. కాగా, ఇప్పటికే దాదా తన బయోపిక్ను ప్రకటించారు. అయితే ఈ సినిమా ఇంకా సెట్స్పైకి వెళ్లలేదు. ఒకవేళ ఈ బయోపిక్ గురించే ఈ అప్డేట్ ఇవ్వబోతున్నారా అనే అనుమానం కూడా ఫ్యాన్స్లో మొదలైంది. ఏదేమైనప్పటికీ ఈ సస్పెన్స్ వీడాలంటే ఆ ట్రైలర్ విడుదలయ్యే దాకా వెయిట్ చేయాల్సి ఉంటుంది.
